გადამწყვეტი სოციალური გამოწვევების დაძლევისათვის, როგორც ადგილობრივ საზოგადოებაში, ასევე გლობალურ დონეზე, მნიშვნელოვანია ახალგაზრდებისთვის შესაძლებლობების მიცემა, რომ თავიანთი იდეები გავლენიან სოციალურ საწარმოებად აქციონ. თუმცა, საფუძვლიანი კვლევა ვარაუდობს, რომ ახალგაზრდებისთვის არ არის ხელმისაწვდომი მრავალმხრივი მხარდაჭერა, რომ გახდნენ აქტიური მოქალაქეები და სოციალური ნოვატორები. მხარდაჭერა მოიცავს:

მისაბაძი მოდელების ნაკლებობა: მნიშვნელოვანი მისაბაძი მოდელები, როგორიცაა მშობლები და მასწავლებლები, მათ ხშირად არ იციან მეწარმეობისა და სოციალური ინოვაციების გარშემო არსებული შესაძლებლობების შესახებ. ინფორმაციის ნაკლებობა არ იწვევს სამეწარმეო საქმიანობის წახალისებას, ან პირიქით იწვევს უარყოფით სოციალურ დამოკიდებულებებს, რომლებიც დაბრკოლებად მოქმედებს ნებისმიერი წამოწყებისთვის. (შლეიხერი, 2015)
უნარების ნაკლებობა: ინსტიტუციონალიზებული განათლებისა და ტრენინგის პროგრამები არ არის საკმარისი სამეწარმეო დამოკიდებულებებისა და უნარების გასავითარებლად. მიუხედავად ამ სფეროში ბოლოდროინდელი გაუმჯობესებისა, ისინი ძირითადად ამზადებენ სტუდენტებს ანაზღაურებადი დასაქმებისთვის. (პოტერი, 2008).
რესურსების ნაკლებობა: ახალგაზრდებს, როგორც წესი, აკლიათ ადამიანური, ფინანსური და სოციალური კაპიტალი, რომელიც აუცილებელია ახალი პროექტის ან სოციალური ბიზნესის დასაწყებად და წარმატებით განხორციელებისთვის. მათ ასევე უფროს თაობასთან შედარებით ნაკლებად აქვთ დარგობრივი, მენეჯერული ან ბიზნეს გამოცდილება. უფრო მეტიც, ფინანსური ბაზრები შეიძლება უარს ამბობდეს ახალგაზრდული ბიზნესის/პროექტების მხარდაჭერაზე, ხოლო ახალგაზრდების მფლობელობაში არსებული საწარმოები არათანსწორი შეიძლება გახდეს პროდუქტის ბაზრებზე, მომხმარებლების სკეპტიკურობით მათი პროდუქტიის ან მომსახურების სანდოობაის შესახებ. (შლეიხერი, 2015)
ქსელებზე ხელმისაწვდომობის ნაკლებობა: ახალგაზრდებს, სავარაუდოდ, აქვთ შეზღუდული ბიზნეს ქსელები და ბიზნესთან დაკავშირებული სოციალური კაპიტალი. ამან შეიძლება შედეგი იქონიოს მათი ბიზნესის ჩამოყალიბებასა და მართვაზე და “ლეგიტიმურობის” შექმნაზე ძირითად დაინტერესებულ მხარეებს შორის (მაგ., დამფინანსებლები, მომხმარებლები, მომწოდებლები). (შლეიხერი, 2015).

ადგილობრივი ღონისძიებების მასპინძლობისა და სოციალური მეწარმეობის შესახებ შეხვედრების ორგანიზებით, ინკუბაციური პროგრამების გაშვებით, რათა დაეხმაროს ზემოქმედებისა და ბიზნეს მოდელების ვალიდაციას და პროტოტიპების შექმნას, და ამ გლობალური საზოგადოების აღზრდით, რომელთა ისტორიები ამაღლებს ცნობიერებას ამ სფეროს შესახებ, Social Impact Award ეხება ოთხივე განზომილებას და საშუალებას აძლევს ახალგაზრდებს გააცნობიერონ თავიანთი პოტენციალი, როგორც ცვლილების აგენტები.

ამ მიდგომის წარმატებას ხაზს უსვამს დადებითი გავლენის მონაცემები. დაარსების დღიდან SIA გახდა მსოფლიოში ახალგაზრდა სოციალური მეწარმეების ერთ-ერთი უდიდესი საზოგადოება, რომელიც ყოველწლიურად თითქმის 10000 ახალგაზრდა ინოვატორს უჭერს მხარს და ხელს უწყობს 1000-ზე მეტ საწარმოს ევროპის, აფრიკისა და ცენტრალური აზიის 25-ზე მეტი ქვეყნიდან.